Cari ildə 239 milyon dollarlıq neft məhsulları ixrac edilib
Bakı, 16 noyabr, AZƏRTAC
Yanvar-oktyabr aylarında ölkədən 865,8 min ton xam məhsullardan başqa, bitumlu süxurlardan alınmış neft və neft məhsulları - tərkibində neft və ya neft məhsullarının miqdarı 70 kütlə faiz və ya daha çox olan məhsullar ixrac edilib. İxrac edilən məhsulların dəyəri isə 239 milyon ABŞ dollarından çox olub.
Bu barədə AZƏRTAC-a Dövlət Gömrük Komitəsindən (DGK) məlumat verilib.
Xatırladaq ki, keçən ilin 10 ayında Azərbaycandan 768,2 min tondan çox neft məhsulları ixrac edilmiş, həmin ixracın dəyəri 368,1 milyon dollar olmuşdu.
Bölmənin digər xəbərləri
