Cəlilabadda ağır yol qəzası: 35 yaşlı sərnişin həyatını itirib
Cəlilabad, 17 mart, AZƏRTAC
Cəlilabad rayonunda ölümlə nəticələnən ağır yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə Cəlilabad şəhəri ərazisində qeydə alınıb.
Belə ki, rayon sakini Səbran Əliyevin idarə etdiyi "Kia Rio" markalı avtomobillə digər rayon sakini Kamran Quliyevin idarə etdiyi "Changan" markalı nəqliyyat vasitəsi toqquşub.
Qəza nəticəsində hər iki sürücü müxtəlif dərəcəli bədən xəsarətləri alaraq xəstəxanaya çatdırılıb. "Changan" markalı avtomobildə olan sərnişin, 1991-ci il təvəllüdlü Xəyal Bəşirov dünyasını dəyişib.
Faktla bağlı araşdırma aparılır.
Müxbir - İlkin Adıyev
Bölmənin digər xəbərləri
