Cənubi Koreya KXDR-lə sərhəd yaxınlığında gecə təlimləri keçirib
Bakı, 18 aprel, AZƏRTAC
Cənubi Koreya hərbçiləri Kanvondo əyalətinin sərhədyanı Koson bələdiyyəsinin ərazisində artilleriya atəşi hazırlığı ilə bağlı gecə təlimləri keçirib.
AZƏRTAC Yonhap agentliyinə istinadla xəbər verir ki, təlimlər düşmənin istənilən təxribatına operativ reaksiya vermək üçün döyüş hazırlığını artırmaq məqsədi daşıyır.
Ümumilikdə 300-ə yaxın hərbçinin iştirak etdiyi təlimlərə 40-a yaxın texnika, o cümlədən K9A1 özüyeriyən haubitsalar, “Chunmoo” reaktiv yaylım atəşi sistemləri, həmçinin əks-batareya radarları və pilotsuz uçuş aparatları cəlb olunub.
Qeyd edək ki, Koreya Respublikası ötən ilin iyulundan bəri ilk dəfə olaraq Şimal sərhəd xətti yaxınlığındakı dəniz bufer zonasında təlimlər həyata keçirib.
Bölmənin digər xəbərləri
