Cənubi Koreya Prezidenti və Yaponiyanın Baş naziri regional təhlükəsizlik məsələlərini müzakirə ediblər
Pekin, 30 sentyabr, AZƏRTAC
Cənubi Koreyanın Pusan şəhərində Prezident İ Ce Myonqla Yaponiyanın Baş naziri İşiba Şiqerunun görüşü keçirilib.
AZƏRTAC xəbər verir ki, görüş Yaponiya Baş nazirinin Cənubi Koreya Liderinin avqustda bu ölkəyə səfərinə qarşılıq vermək məqsədilə həyata keçirilib. Tərəflər bu il iki ölkə arasında diplomatik əlaqələrin normallaşmasının 60-cı ildönümünü qeyd edirlər. Bu görüş iki ölkənin daha güclü əlaqələr istiqamətində işləməyə davam edəcəklərini təsdiqləyir.
Medianın məlumatına görə, liderlər regional təhlükəsizlik, iqtisadi əməkdaşlıq, süni intellekt kimi məsələlərlə yanaşı, hər iki ölkə üçün ümumi olan bir sıra problemləri, məsələn, əhalinin azalması, aşağı doğum səviyyəsi və ölkələrin paytaxtlarında əhalinin həddindən artıq cəmləşməsi kimi mövzuları müzakirə ediblər.
Qeyd edək ki, bu, İ Ce Myonqun Cənubi Koreya Prezidenti seçilməsindən sonra iki ölkə liderinin 3-cü görüşüdür. Bu, həm də onların sonuncu rəsmi görüşüdür. Belə ki, İşiba Şiqeru sentyabrın əvvəlində istefa verdiyini elan edib və yaxın günlərdə Yaponiyada hakim Liberal Partiyanın yeni lideri seçilərək, həm də Baş nazir vəzifəsini tutacaq.
AZƏRTAC-ın xüsusi müxbiri
Pekin
Bölmənin digər xəbərləri
