Çay angvili Latviyada 2017-ci ilin heyvanı elan edilib
Riqa, 19 yanvar, AZƏRTAC
Çay angvili Latviyada 2017-ci ilin heyvanı elan edilib. Bu məlumatı yerli KİV-lər Latviya Təbiət Muzeyinə istinadla yayıb.
Muzeyin ictimaiyyətlə əlaqələr üzrə mütəxəssisi Polina Şkinkenin sözlərinə görə, çay angvilinin seçilməsi bu balıq növünün təhlükə altında olması və onun qorunmasının vacibliyi ilə əlaqədardır. Lakin adamlar angvil haqqında çox az bilirlər.
Latviyada ilin heyvanını elan etmək ənənəsi yarandıqdan sonra dəfələrlə balıq növləri və cəmi bir dəfə suda-quruda yaşayan bataqlıq tısbağası seçilib.
2016-cı ildə Latviyada ilin heyvanı porsuq, 2015-ci ildə qaban olub.
Nigar Cəfərli
AZƏRTAC-ın xüsusi müxbiri
Riqa
Bölmənin digər xəbərləri
