Çaylarda suyun səviyyəsi qalxıb
Noyabrın 3-də Kür çayının Qıraqkəsəmən məntəqəsində suyun səviyyəsində 7, Qanıx çayının Əyriçay məntəqəsində isə 2 sm artım müşahidə olunub.
Bu barədə AZƏRTAC-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Məlumatda bildirilir ki, Kür çayının aşağı axınında da suyun səviyyəsinin əsasən artdığı müəyyən edilib. Belə ki, Kür çayının Surra məntəqəsində 8, Salyanda 5, Bankədə 32, Araz çayının Novruzlu məntəqəsində 1 sm artım qeydə alınıb. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 100-140, Kiçik Qafqazın çaylarında 40-120, Lənkəran-Astara bölgəsi çaylarında isə 40-110 faizini təşkil edir.
Bölmənin digər xəbərləri
