Çayların sululuğu ilə bağlı araşdırmanın nəticələri açıqlanmışdır
Bakı, 14 iyun (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti çayların sululuğu ilə bağlı apardığı araşdırmanın nəticələrini açıqlamışdır.
Nazirliyin mətbuat xidmətindən AZƏRTAC-a bildirmişlər ki, ötən günlər ərzində arabir yağan yağışlar nəticəsində Böyük Qafqazın Quba-Xaçmaz bölgəsi çaylarında suyun səviyyəsində 5-19, Kiçik Qafqaz çaylarında 1-7 santimetr artım qeydə alınmışdır.
İyunun 14-də Kür çayının Qıraqkəsəmən məntəqəsində suyun səviyyəsində 28, Qanıx çayının Əyriçay məntəqəsində isə 5 santimetr azalma müşahidə olunmuşdur. Kür çayının aşağı axınında da suyun səviyyəsində əsasən azalma qeydə alınmışdır.
Hazırda Kür çayının Surra məntəqəsində suyun səviyyəsi 423, Şirvanda 303, Salyanda 247, Bankədə 239, Araz çayının Novruzlu məntəqəsində isə 172 santimetrdir.
Bölmənin digər xəbərləri
