“Çelsi” futbolçusu Pedro ilə yollarını ayırıb
Bakı, 10 avqust, AZƏRTAC
İngiltərənin “Çelsi” klubu ispan futbolçusu Pedro ilə yollarını ayırdığını elan edib.
AZƏRTAC klubun rəsmi saytına istinadla xəbər verir ki, Pedro “Çelsi”dən azad agent statusunda ayrılıb.
Otuz üç yaşlı oyunçunun karyerasını İtaliyanın “Roma” klubunda davam etdirəcəyi gözlənilir.
Qeyd edək ki, Pedro 2015-ci ildən “Çelsi” komandasının şərəfini qoruyub. O, londonluların heyətində 206 oyunda meydana çıxıb 43 qol və 28 məhsuldar ötürmə ilə yadda qalıb.
Bölmənin digər xəbərləri
