Çexiya “Leopard 2A8” tanklarını satın alacaq
Praqa, 4 sentyabr, AZƏRTAC
Çexiyanın Nazirlər Kabineti Almaniya istehsalı olan “Leopard 2A8” tanklarının satın alınmasına razılıq verib.
AZƏRTAC xəbər verir ki, müdafiə naziri Yana Çernoxova bildirib ki, birinci mərhələdə komanda və döyüş versiyalarında 44 tankın tədarükü nəzərdə tutulur.
Müqavilə avadanlığın ordunun ehtiyaclarına uyğunlaşdırılması da daxil olmaqla, ƏDV (1 avro = 24,44 CZK) ilə birlikdə 34,25 milyard çex kronuna başa gələcək. İnflyasiya üçün əlavə 5 milyard çex kronu ehtiyatı nəzərdə tutulub.
İlk tankların Çexiyaya 2028-ci ildə göndərilməsi, ümumi tədarükün isə 2031-ci ildə başa çatdırılması planlaşdırılır.
Müdafiə Nazirliyi həmçinin “Česká zbrojovka” ilə atıcı silahların - tüfənglərin, qumbaraatanların və “CZ BREN 2” tapançalarının ƏDV-siz 4,26 milyard çex kronuna qədər tədarükü üçün müqavilə imzalayıb. Bundan əlavə, xüsusi təyinatlılar üçün təxminən 1,7 milyard çex kronu dəyərində 18 ədəd “Supacat Extenda” zirehli maşını satın alınacaq.
Vüqar Seyidov
AZƏRTAC-ın xüsusi müxbiri
Praqa
Bölmənin digər xəbərləri
