Çexiya ordusu genişmiqyaslı modernləşməyə başlayıb
Praqa, 1 iyul, AZƏRTAC
Çexiya Silahlı Qüvvələri müdafiə qabiliyyətini artırmaq məqsədilə hərbi texnikanın yenilənməsini prioritet elan edib.
AZƏRTAC xəbər verir ki, ölkə rəhbərliyi həm quru qoşunlarının gücləndirilməsi, həm də hərbi hava qüvvələrinin modernləşdirilməsi istiqamətində layihələr həyata keçirir. Bu çərçivədə ağır mexanikləşdirilmiş briqadaların formalaşdırılması, yeni piyadaların döyüş maşınlarının alınması və 5-ci nəsil F-35 qırıcılarının tədarükü əsas istiqamətlər hesab olunur.
Müdafiə strategiyası NATO üzrə öhdəliklərin yerinə yetirilməsinə və ölkənin kollektiv müdafiə imkanlarının artırılmasına yönəlib.
Ekspertlərin fikrincə, F-35 təyyarələrinin alınması Çexiya Hərbi Hava Qüvvələrinin imkanlarını əhəmiyyətli dərəcədə genişləndirəcək, quru qoşunlarının yenilənməsi isə ordunun müasir təhlükələrə cavab vermək qabiliyyətini gücləndirəcək.
Bölmənin digər xəbərləri
