Çin ABŞ-ın kənd təsərrüfatı məhsullarına əlavə rüsumlar tətbiq edir
Bakı, 4 mart, AZƏRTAC
Çin ABŞ-ın tarif siyasətinə cavab olaraq, martın 10-dan etibarən ABŞ-ın kənd təsərrüfatı məhsullarına 10-15 faiz əlavə rüsumlar tətbiq edəcək.
AZƏRTAC xəbər verir ki, bu barədə Sinxua agentliyi məlumat yayıb. Bildiirlib ki, Çin rəsmiləri "təhlükəsizliyi və milli maraqları qorumaq məqsədilə" 15 ABŞ şirkətini ixrac nəzarəti siyahısına daxil edib.
Ticarət Nazirliyi sanksiya tətbiq edilən 15 qurumun “Çinin milli təhlükəsizliyi və maraqlarına təhlükə” yaratdığını qeyd edib. Çin satıcılarına sözügedən ABŞ şirkətlərinə ikili təyinatlı mal satmaq qadağandır.
Çin Dövlət Şurasının Gömrük Tarif Komissiyasının bəyanatında deyilir ki, Birləşmiş Ştatların birtərəfli tariflər tətbiq etməsi çoxtərəfli ticarət sistemini sarsıdır, amerikalı biznes və istehlakçıların üzərinə düşən yükü artırır və Çin-ABŞ iqtisadi və ticarət əməkdaşlığının təməlini pozur.
Bölmənin digər xəbərləri
