Çinin təbii qaz idxalı 29,3 faiz artıb
Pekin, 4 mart, AZƏRTAC
Çinin təbii qaz idxalı yanvarda ötən ilin eyni dövrü ilə müqayisədə 29,3 faiz artaraq 13,7 milyard kubmetrə çatıb.
AZƏRTAC xəbər verir ki, bu barədə Çinin Milli İnkişaf və İslahat Komissiyası məlumat yayıb. Hesabat dövründə Çinin təbii qaz hasilatı da 9,7 faiz artaraq 15,3 milyard kubmetrə çatıb.
Qeyd edək ki, dünyanın ikinci ən böyük iqtisadiyyatına sahib olan Çində "mavi yanacağ"a tələbatın artması ölkədə hava çirkliliyi ilə mübarizə tədbirləri çərçivəsində istilik təchizatı sistemində və sənayedə daş kömürdən imtina edilməsi, habelə iqtisadiyyatın inkişafı ilə bağlıdır. Çin hazırda maye qaz (LNG) idxalının həcminə görə dünyada ikincidir. Mütəxəssislər hesab edirlər ki, bu gedişlə Çin cari ildə Yaponiyanı da ötərək dünyada ən çox təbii maye qaz idxal edən ölkə olacaq.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
