ÇUXANLI KƏNDİNDƏ 10 MİN TONLUQ SOYUDUCU ANBAR İSTİFADƏYƏ VERİLƏCƏKDİR
Salyan, 23 yanvar (AZƏRTAC). Salyan rayonunun Çuxanlı kəndi ərazisində sahibkarlıq subyekti olan 10 min tonluq soyuducu anbar kompleksinin tikintisi başa çatmışdır. Bakı-Astara yolunun yaxınlığında 5 hektara yaxın sahədə inşa olunmuş bu kompleksin tərkibinə soyuducu anbar, tara sexi, inzibati korpus və sair daxildir.
Soyuducu anbarda quraşdırılmış əsas texnoloji avadanlıq qardaş Türkiyə Respublikasından gətirilmişdir. Soyuducu anbarlarda kənd təsərrüfatı məhsullarının ilboyu saxlanması istehsalçıların əməyinin stimullaşdırılmasına imkan yaradacaqdır.
Kompleksdə ilkin mərhələdə 50 nəfər adamın işlə təmin olunması nəzərdə tutulmuşdur. Soyuducu anbarların xidmətindən Salyanla yanaşı, qonşu Neftçala və Biləsuvar rayonlarının iş adamları da yararlana biləcəklər.
Bölmənin digər xəbərləri
