CİNAYƏTKAR DƏSTƏNİN ALTI ÜZVÜ MƏHKƏMƏ MƏSULİYYƏTİNƏ CƏLB OLUNMUŞDUR
AZƏRTAC xəbər verir ki, əvvəlki illərdə icraatları dayandırılmış 5 iş üzrə bağlı cinayətlərin, həmçinin qeydiyyatdan gizlədilmiş 36 quldurluq və oğurluq hadisəsinin respublika Baş Prokurorluğun Ağır Cinayətlərə dair İstintaq İdarəsi tərəfindən açılması və cinayətkar dəstənin 6 nəfər üzvünün məhkəmə məsuliyyətinə verilərək məhkum olunması təmin edilmişdir. Bu, 2002-ci ilin noyabr ayında Abşeron rayonunun Saray qəsəbəsi ərazisində vətəndaş S.Abdullayevin odlu silahla öldürülməsi və onun həyat yoldaşına ağır bədən xəsarətləri yetirilməsi faktına görə başlanmış cinayət işinin istintaqı gedişində həyata keçirilmiş məqsədyönlü istintaq hərəkətləri nəticəsində mümkün olmuşdur.
Bölmənin digər xəbərləri
