CNN: Ukrayna ABŞ-ın yardımı olmadan yalnız yayadək döyüşə bilər
Bakı, 4 mart, AZƏRTAC
ABŞ-ın hərbi yardımı kəsildikdən sonra Ukrayna hazırkı döyüş tempini bir neçə həftə və ya uzağı yayın əvvəlinədək saxlaya biləcək.
AZƏRTAC xəbər verir ki, CNN telekanalı bu barədə adının açıqlanmasını istəməyən avropalı məmura istinadla məlumat yayıb.
Bildirilir ki, ABŞ-ın sabiq prezidenti Cozef Baydenin administrasiyası səlahiyyət müddətinin bitməsinə az qalmış Ukraynaya silah tədarükünü sürətləndirib və Kiyevi müasir silah ehtiyatı ilə təmin edib.
Ekspertlərin sözlərinə görə, Avropa ölkələri ABŞ-ın artilleriya təchizatını əvəzləyə bilər, lakin Kiyevin istifadə etdiyi ən müasir silahlar yalnız Birləşmiş Ştatlardan gəlirdi.
Fevralın 28-də Vaşinqtonda Ukrayna Prezidenti Volodimir Zelenski və Ağ evin rəhbəri Donald Tramp arasında baş tutan görüş qalmaqalla nəticələnib. “CBS News” teleradio şirkətinin məlumatına əsasən, Ağ evdə baş verənlər Vaşinqtonun Kiyevə hərbi yardımının dayandırılması məsələsini gündəmə gətirib. Bir müddət öncə isə Pentaqonun nümayəndəsi Ukraynaya hərbi yardımın nəqlinin dayandırıldığını elan edib.
Bölmənin digər xəbərləri
