COVID-19: Niderlandda 16 minə yaxın koronavirus daşıyıcısı var
Haaqa, 4 aprel, AZƏRTAC
Niderlandda COVID-19 koronavirusuna yoluxanların sayı 15 723-ə, ölənlərin sayı isə 1487-ə çatıb. Son 24 saat ərzində ölkədə 1 026 yeni yoluxma,148 ölüm qeydə alınıb.
AZƏRTAC xəbər verir ki, bu barədə Milli Səhiyyə İnstitutu (RIVM) məlumat verib. Niderland epidemiyanın əvvəlində İngiltərə və İsveç kimi “kollektiv immunitet”ə üstünlük verib. Ancaq bununla belə ölkədə restoranlar, barlar, bütün ticarət mərkəzləri, eləcə də ictimai məkanlar bağlanıb.
Niderland digər Avropa ölkələrindən fərqli yanaşma götürərək, əhaliyə təcridolma rejimi tətbiq etməyib. Yalnız COVID-19 virusuna yoluxanlar evdə qalmalıdırlar.
Şəhla Ağalarova
AZƏRTAC-ın xüsusi müxbiri
Haaqa
Bölmənin digər xəbərləri
