CÜDOÇULARIMIZ BEYNƏLXALQ TURNİRDƏON MEDAL QAZANMIŞLAR

15.11.2005 [20:10]
Çap et
A⁺ A^-

AZƏRTAC xəbər verir ki, Antalyada yeniyetmə cüdoçular arasında ənənəvi beynəlxalq turnir başa çatmışdır. Əməkdar məşqçi İbadulla Şahbanovun rəhbərliyi ilə təmsil olunan Azərbaycan yığmasının heyətində Rəşid Məmmədov (50 kq), Orxan Hacağalı (55 kq) və Bəhmən Bəhmənzadə (66 kq) qızıl medallara layiq görülmüşlər. Komandamızın digər üzvləri Anar Mürşüdov (38 kq), Samir Ramazanov (42 kq), Fərid Kərimli (60 kq) gümüş, Əmrah İbrahimov (60 kq), Elvin Hümbətov (60 kq), Məhəmməd Xuduzadə (73 kq), Samir Tağıyev (73 kq) isə bürünc medallara sahib olmuşlar.

Beləliklə, cüdoçularımız artıq 3-cü dəfədir ki, bu turniri komanda hesabında birinci yerdə başa vururlar.

Noyabrın 19-20-də isə Kiyevdə 23 yaşlı cüdoçuların III Avropa çempionatı keçiriləcəkdir. Hazırda baş məşqçi Ağayar Axundzadə və məşqçi Hacağa Hacəhmədovun rəhbərliyi ilə son təlim-məşq toplanışı keçən komandamız çempionatda Zaur Bağırlı (60 kq), Namiq Sultanov (66 kq), Müseyib Cəfərov (73 kq), Ramin Qurbanov (81kq), Qədir Qədirov (100 kq), Kifayət Qasımova ( 57 kq) və Gözəl Zutovadan (63 kq) ibarət heyətlə təmsil olunacaqdır.

Qeyd edək ki, keçən il Sloveniyada keçirilən Avropa çempionatında Kifayət Qasımova (57 kq) qızıl, Elxan Məmmədov (81 kq) isə bürünc medala layiq görülmüşdü.

CÜDOÇULARIMIZ BEYNƏLXALQ TURNİRDƏON MEDAL QAZANMIŞLAR

MÜƏLLİFLƏ ƏLAQƏ

Bölmənin digər xəbərləri