CÜDOÇUMUZ AVROPA ÇEMPİONATININ MEDALINALAYİQ GÖRÜLMÜŞDÜR
AZƏRTAC xəbər verir ki, Kiyevdə 23 yaşlı cüdoçular arasında III Avropa çempionatı başa çatmışdır. 38 ölkədən 300-ə yaxın idmançının mübarizə apardığı yarışda ölkəmizi baş məşqçi Ağayar Axundzadə və əməkdar məşqçi Hacağa Hacəhmədovun rəhbərlik etdiyi 7 nəfərdən ibarət yığma komanda təmsil etmişdir. İki gün davam edən çempionatda yalnız Kifayət Qasımova (57 kq) bürünc medala layiq görülmüşdür. Kişilər arasında isə ən yaxşı nəticəni Zaur Bağırlı (60 kq) və Namiq Sultanov (66 kq) göstərmişlər. Hər iki idmançı 5-ci yer tutmuşdur. Yığma komandamız isə 38 ölkə arasında 19-cu olmuşdur.
Xatırladaq ki, ötənilki qitə çempionatında Kifayət Qasımova qızıl, Elxan Məmmədov (81 kq) isə bürünc medal qazanmışdı.
Bölmənin digər xəbərləri
