DAXİLİ İŞLƏR NAZİRİ GENERAL-POLKOVNİK RAMİL USUBOVUN ÇIXIŞI
Hörmətli qonaqlar, əziz həmkarlar!
Bu gün Azərbaycan polisinin peşə bayramı, onun yaranmasının 89-cu ildönümüdür. Bu bayram günündə hər birimizə böyük fərəh, hədsiz sevinc anları yaşadan, qürur və iftixar bəxş edən önəmli tarixi məqam isə təntənəli mərasimimizdə Azərbaycan Respublikasının Prezidenti, Silahlı Qüvvələrin Ali baş komandanı cənab İlham Əliyevin iştirakıdır.
Zati-aliləri, vaxt tapıb peşə bayramımızda iştirak etdiyinizə görə, icazə verin, bütün şəxsi heyət adından və öz adımdan Sizə dərin minnətdarlığımızı bildirim.
Hörmətli mərasim iştirakçıları!
Yaranma tarixi Azərbaycan Demokratik Respublikası dövründə polis orqanlarının təsis edildiyi 2 iyul 1918-ci ildən başlayan Azərbaycan polisinin peşə bayramı əbədiyaşar Prezidentimiz Heydər Əliyevin 1998-ci il 24 may tarixli Fərmanı ilə təsis olunmuşdur. Ümummilli liderimizin Azərbaycana rəhbərlik etdiyi bütün dövrlərdə gördüyü möhtəşəm işlərin miqyası, o cümlədən daxili işlər orqanlarının formalaşmasında və inkişafındakı rolu son dərəcə böyük və əvəzsizdir.
Hörmətli cənab Prezident!
Hörmətli mərasim iştirakçıları!
Möhtərəm Prezidentimizin təşəbbüsü ilə 2004-cü ildə qəbul olunmuş Dövlət proqramına müvafiq olaraq, şəxsi heyətin vəzifə və rütbəyə görə maaşları artırılmış, habelə cinayətkarlığa qarşı mübarizədə, ictimai asayişin təminində mühüm əhəmiyyət kəsb edən xeyli sayda avadanlıq, avtomobil, xüsusi texnika və vasitələr alınmışdır. Nazirliyin bir çox struktur qurumları üçün lazımi şəraiti olan yeni inzibati binaların inşası və təchizatı da həyata keçirilmişdir.
Möhtərəm cənab Prezident!
Göstərdiyiniz qayğı və etimad fəaliyyətimizdə mühüm stimul olmaqla, əməkdaşlarımızı daha yaxşı işləməyə, xidməti vəzifələri böyük ruh yüksəkliyi ilə yerinə yetirməyə səfərbər etmişdir. Eyni zamanda, Daxili İşlər Nazirliyi sistemində idarəçiliyin və şəxsi heyətin peşəkarlıq səviyyəsinin yüksəldilməsinə, qanunçuluğun və daxili təhlükəsizliyin möhkəmlənməsinə öz müsbət təsirini göstərmişdir.
Bu baxımdan, onu da məruzə edirəm ki, ölkənin qanunlarından, Sizin “Azərbaycan Respublikasında sosial-iqtisadi inkişafın sürətləndirilməsi tədbirləri haqqında” 2003-cü il 24 noyabr tarixli Fərmanınızdan irəli gələn tələblərin icrası ilə əlaqədar olaraq vətəndaşların qəbulu, onların müraciətlərinə baxılması işinə çox ciddi diqqət yetirilir. Son beş ildə respublikanın əksər şəhər və rayonlarında 1188 vətəndaş qəbul edilmiş, bütün ərizə və şikayətlər xüsusi nəzarətə götürülərək, böyük əksəriyyəti müsbət həll olunmuşdur. Bu istiqamətdə işlər sizin tələb və tövsiyələrinizə uyğun şəkildə davam etdirilir.
Zati-aliləri, məruzə edirəm ki, 1996-cı ildən başlayaraq, respublikamızın bütün ərazisində kriminogen durum köklü sürətdə müsbətə doğru dəyişmiş və ötən dövrdə ağır cinayətlər törətmiş 13 mindən çox cinayətkarı birləşdirən 1766 cinayətkar dəstə zərərsizləşdirilmişdir. Axtarışda olan 63 minə yaxın təqsirləndirilən şəxs tutularaq məsuliyyətə cəlb edilmiş, 35 minə yaxın odlu silah yığılmışdır. Asayişin təmininə, cinayətkarlıqla mübarizənin nəticələrinə görə respublikamız uzun müddətdir ki, MDB, eləcə də Şərqi Avropa məkanında ən öncül yerlərdən birini tutur.
Bunun üçün polisin kifayət qədər qüvvəsi, potensialı, kadr ehtiyatı vardır. Biz xidməti vəzifələrini vicdanla yerinə yetirən peşəkarlarımızla, öz andına sadiq olub polis adını uca tutan, habelə cinayətkarlıqla mübarizədə həyatını qurban vermiş həmkarlarımızla fəxr edirik.
Mən bugünkü təntənəli mərasimdə Polis Akademiyasının növbəti buraxılışının məzunlarına da müraciət etmək istəyirəm. Siz xalqa, Vətənə xidmət etmək kimi müqəddəs bir peşə seçmisiniz. Polis həmişə cinayətkarlıqla mübarizənin ön cərgəsindədir. Ölkəmizin vətəndaşları əmin olmalıdırlar ki, onlar cinayətlə, qanunsuzluqla üzləşəndə kömək və qayğını məhz polisdə tapacaqlar, hər bir şəxsin hüququ və qanuni mənafeyi dövlətin bütün gücü ilə qorunacaqdır. Daxili işlər orqanları üçün ən böyük və obyektiv qiyməti isə xalqın inamıdır: nazirliyə və bütövlükdə hər bir konkret əməkdaşa olan inam. Böyük zəhmətlər hesabına əldə olunmuş bu inamı yüksək qiymətləndirmək və onu hər gün möhkəmləndirmək hər birinizin şərəf borcudur.
Hörmətli mərasim iştirakçıları!
Azərbaycan Respublikası Prezidentinin iki gün öncə imzaladığı sərəncamlarla cinayətkarlığa qarşı mübarizədə, ictimai qaydanın qorunması və ictimai təhlükəsizliyin təmin edilməsində, xidməti vəzifələrin və xüsusi tapşırıqların yerinə yetirilməsində fərqləndiklərinə görə 50 əməkdaşımız dövlət mükafatına, habelə 4 rəhbər vəzifəli şəxs ali xüsusi rütbəyə layiq görülmüşdür.
Mötərəm cənab Prezident!
İcazə verin, bu ali diqqətə görə bütün şəxsi heyət adından və şəxsən öz adımdan Sizə dərin minnətdarlığımızı bildirim və məruzə edim ki, biz ulu öndər Heydər Əliyevin bu günə və gələcəyə ünvanlanmış “Polis elə xidmət etməlidir ki, xalq onu sevsin” kəlamını heç zaman unutmayacağıq.
Zati-aliləri, ölkəmizdə daxili sabitliyin, əmin-amanlığın, bütün sahələrdə gedən inkişafın, dünyada analoqu olamayan iqtisadi artımın təşkilatçısı və təminatçısı kimi Sizə xalqın ayrılmaz hissəsi olan daxili işlər orqanları şəxsi heyətinin böyük inamı, dərin hörməti və ehtiramı vardır.
Heydər Əliyev ideyalarına sadiq olan Azərbaycan polisi öz xalqını və doğma Vətənini uğurlu fəaliyyəti ilə firavan gələcəyə aparan dövlət başçısının əldə etdiyi hər bir müvəffəqiyyətdən qürur, iftixar duyur.
Prezident İlham Əliyev Polis Akademiyasının məzunları Vüqar Ağayevə, Raciv Almazova və Asif Behbudova fərqlənmə diplomlarını təqdim etdi. 
lövhəsini yaş kötüyünə vuraraq and içirəm: Vətənə, xalqa, dövlətə sədaqətlə xidmət edəcək, Silahlı Qüvvələrin Ali baş komandanının hər bir əmrinə hər an hazır olacağam”. 
varlığını, ərazilərimizin bütövlüyü olan bu bayrağı sənə təhvil verirəm. Ulu öndər Heydər Əliyevin müqəddəs ruhunu özündə yaşadan və hər birimizi Azərbaycan uğrunda daha böyük zəfərlərə çağıran bu bayrağı öpür və sənə təhvil verirəm. Mübariz keşikdə ayıq-sayıq ol!” 
“Həmkarım, and içirəm ki, təhvil aldığım bu bayrağın keşiyində ayıq-sayıq duracaq, öz qanımı və canımı əsirgəmədən onu şərəflə qoruyacağam. Ulu öndər Heydər Əliyevin ruhunu yaşadan bu müqəddəs bayrağı öpür və təhvil alıram”.
Bölmənin digər xəbərləri
