Dəmir yolunun Əlikənd-Ləki mənzilində 9,6 kilometr yol əsaslı təmir olunur
Bakı, 6 noyabr (AZƏRTAC). Azərbaycan Respublikasının Prezidenti İlham Əliyevin 2010-cu il iyulun 6-da imzaladığı “Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair” Dövlət Proqramının təsdiq edilməsi haqqında sərəncamının icrası istiqamətində tədbirlər görülür.
QSC-nin mətbuat xidmətindən AZƏRTAC-a bildirmişlər ki,
Dövlət Proqramının icrası çərçivəsində Bakı-Böyük Kəsik istiqamətində 317 kilometr yolun əsaslı təmiri davam edir.
Bu il noyabrın 6-da dəmir yolunun Əlikənd-Ləki mənzilində 9 min 600 metr yolun əsaslı təmirinə başlanılmışdır. Səhər tezdən start götürən təmir işləri on gün davam edəcəkdir.
Əsaslı təmir işlərini “Azərbaycan Dəmir Yolları” QSC “Dəmiryolservis” MMC-nin müəssisələri həyata keçirir. MMC-nin baş mühəndisi Əfsələddin Gəncəliyevin məlumatında bildirilir ki, əsaslı təmir işlərinə 2011-ci il iyunun 10-da Tatlı-Ağstafa sahəsinin 97-ci kilometrində başlanılmış, bu günə kimi 291 kilometr yol əsaslı təmir olunmuşdur. Bunun da 235 kilometrinin 800 metrlik uzun ölçülü relslərlə (pletlərlə) əvəzlənməsi başa çatmışdır.
İnfrastruktur Departamenti tərəfindən Bakı-Böyük Kəsik istiqamətində əsaslı təmir olunması nəzərdə tutulan yolun təmir ardıcıllığı müvafiq cədvəl üzrə həyata keçirilir.
Yolların əsaslı təmiri prosesini Çexiyanın “İxrac” Bankının nəzarət qrupu müşahidə edir.
Bölmənin digər xəbərləri
