Dilimizdə az istifadə olunan sözlərin təbliği məqsədi ilə “Öz sözümüz” layihəsi həyata keçiriləcəkdir
Bakı, 4 noyabr (AZƏRTAC). Azərbaycan Respublikasının Prezidenti yanında Gənclər Fondunun maliyyə dəstəyi, Azərbaycan Tələbə Gənclər Təşkilatları ittifaqının (ATGTİ) təşkilatçılığı ilə “Öz sözümüz” layihəsi həyata keçiriləcəkdir.
ATGTİ-nin mətbuat xidmətindən AZƏRTAC-a bildirmişlər ki, layihənin əsas məqsədi dilimizdə az istifadə olunan sözlərin təbliği, xarici sözlərin istifadəsinin mümkün qədər azaldılmasıdır.
Layihə çərçivəsində rus və ingilis dilindən istifadə etdiyimiz sözlərin Azərbaycan dilində qarşılığı yazılan müxtəlif posterlər hazırlanacaq, ali və orta ixtisas təhsil müəssisələrində müvafiq yerlərdən asılacaqdır. Tələbə-gənclərin diqqətini cəlb etmək üçün posterlər “əlvan sözlər”lə hazırlanacaqdır. Eyni zamanda, sözlərin qarşılığı olan bukletlər gənclərə paylanacaqdır.
Bölmənin digər xəbərləri
