Doktorantlar və gənc tədqiqatçılar üçün infosessiya təşkil olunacaq
Bakı, 22 iyun, AZƏRTAC
Azərbaycan Respublikasının Təhsil İnstitutu tərəfindən noyabrın 10-11-də doktorantların və gənc tədqiqatçıların XXVI respublika elmi konfransı keçiriləcək.
İnstitutdan AZƏRTAC-a bildirilib ki, konfransa müraciət qaydalarını ətraflı şəkildə izah etmək və mövcud sualları cavablandırmaq məqsədilə iyunun 25-i saat 15:00-da doktorantlar və gənc tədqiqatçılar üçün onlayn infosessiya təşkil olunacaq. İnfosessiyada iştirak etmək üçün öncədən qeydiyyatdan keçmək vacibdir. Qeydiyyatdan keçmiş şəxslərə infosessiyaya qoşulmaq üçün elektron poçt vasitəsilə iyunun 24-də keçid göndəriləcək.
Konfransın keçirilməsində əsas məqsəd doktorantların və gənc tədqiqatçıların apardıqları elmi-tədqiqat işlərinin nəticələrinin müzakirəsini təşkil etmək, habelə onların elmi yaradıcılığını stimullaşdırmaqdır.
Bölmənin digər xəbərləri
