Donald Tramp: ABŞ Rusiya ilə nüvə müharibəsinə “çox yaxındır”
Bakı, 20 iyun, AZƏRTAC
Birləşmiş Ştatlar Rusiya ilə nüvə müharibəsinə çox yaxındır və hazırda ABŞ ölkənin tarixində ən təhlükəli dövrünü yaşayır.
AZƏRTAC xəbər verir ki, ABŞ-ın sabiq prezidenti Donald Tramp bu fikri Fox News telekanalına müsahibəsində səsləndirib. “Hazırda Amerika tarixinin ən təhlükəli dövrünü yaşayırıq. Biz Rusiya ilə nüvə müharibəsinə çox yaxınıq”, - deyə o bildirib.
Şimali Koreyanın nüvə silahı ilə bağlı vəziyyət kontekstində danışan Donald Trampın fikrincə, ABŞ prezidenti postunda Barak Obama və ya Hillari Klinton olsaydı, KXDR ilə nüvə müharibəsi qaçılmaz olacaqdı.
İyunun 11-də Corciya ştatında çıxış edən Amerikanın sabiq dövlət başçısı deyib ki, atom silahının tətbiqinə gətirib çıxaracaq III Dünya müharibəsinin qarşısını yalnız o ala bilər.
Bölmənin digər xəbərləri
