Donald Tramp daşqınlardan zərər çəkən Texas ştatına gedəcək
Bakı, 7 iyul, AZƏRTAC
ABŞ Prezidenti Donald Tramp iyulun 11-də Texasın daşqından ən çox zərər çəkən bölgələrinə səfər etməyi planlaşdırır.
AZƏRTAC xəbər verir ki, Donald Tramp bunu jurnalistlərin səfərin tarixi ilə bağlı suallarına cavab verərkən deyib. ABŞ-ın dövlət başçısı dərhal Texasa getməyə hazır olduğunu, lakin yerli hakimiyyət orqanlarının fəaliyyətinə müdaxilə etmək istəmədiyini bildirib.
Xatırladaq ki, iyulun 4-də Texasın mərkəzini vuran güclü yağışlar Qvadalupe çayının məcrasından çıxmasına səbəb olub. Son məlumatlara görə, daşqın nəticəsində 28-i uşaq olmaqla 79 nəfər həlak olub, 41 nəfər isə itkin düşüb.
Bölmənin digər xəbərləri
