DOPİNQ QAYDALARINI POZANLAR CİNAYƏTKAR HESAB EDİLMƏLİDİR
Dopinq qəbul olunması üzərindəki qadağanı pozanlara həm də adi cinayətkarlar kimi yanaşmaq lazımdır. AZƏRTAC xəbər verir ki, bu fikri Britaniyanın ən məşhur və adlı-sanlı yüngül atletlərindən biri olan Pola Redkliff söyləmişdir.
30 yaşlı idmançı qadın Londonun “Sandi tayms” qəzetinə müsahibəsində demişdir: “İdmanda dopinqdən istifadə olunması cinayətdir və buna görə də ona müvafiq münasibət göstərilməlidir. Belə adamlar təkcə rəqiblərini deyil, öz promouterlərini, sponsor və azarkeşlərini də aldadırlar”.
Uzaq məsafələrə qaçış üzrə mütəxəssisin fikrincə, “dopinq qəbul etməkdə ifşa olunmuş idmançının cəzasını məhkəmə müəyyənləşdirməlidir”. Redkliff etiraf etmişdir ki, “mövcud dopinq nəzarəti sistemi bəzi atletlərin sui-istifadə etdikləri bir çox qadağan olunmuş maddələri aşkara çıxarmağa qadir deyildir”.
Bölmənin digər xəbərləri
