Dövlət Neft Şirkətinin Ekologiya İdarəsinin əməkdaşı beynəlxalq elmi konfransda təqdimatla çıxış etmişdir
Bakı, 14 iyun (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsinin rəis müavini əflatun Həsənov Neftin, Qazın Geotexnoloji Problemləri və Kimya Elmi Tədqiqat İnstitutunda keçirilmiş “Azərbaycan üçün iqlim dəyişikliyi və azaltma/adaptasiya siyasəti üzrə məlumat toplusunun inkişafı və qiymətləndirilməsi” adlı beynəlxalq elmi-təcrübi konfransda iştirak etmişdir.
AZƏRTAC xəbər verir ki, professor Əflatun Həsənov konfransda “İqlim dəyişmələrinə təsirin azaldılması üzrə ARDNŞ-in strategiyası” mövzusunda məruzə ilə çıxış etmişdir.
Alim, həmçinin ekologiya idarəsi tərəfindən ətraf mühitin mühafizəsi istiqamətində həyata keçirilən tədbirlər və əldə edilən nailiyyətlərdən də danışılmışdır.
Konfransın məqsədi Azərbaycan üzrə Promitheas-4 azaltma/adaptasiya siyasətinin təqdimatı, dövlət orqanları və təşkilatları, Ekologiya və Təbii Sərvətlər, Sənaye və Energetika Nazirliklərinin, beynəlxalq elmi, sənaye və akademik institutlarının, alim və mütəxəssislərindən ibarət böyük auditoriyanı cəlb etməklə iqlim dəyişikliyi, ətraf mühit və texnologiya sahələrində şirkət və müəssisələrin cari vəziyyətinin müzakirəsi və tədbir çərçivəsində qəbul olunmuş qərarlarının həyata keçirilməsindən ibarət olmuşdur.
Bölmənin digər xəbərləri
