Dövlət Xidməti: 1 dövlət müəssisəsi və 13 nəqliyyat vasitəsi özəlləşdirilib
Bakı, 22 iyun, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən növbəti hərracda 1 kiçik dövlət müəssisəsi və 13 nəqliyyat vasitəsi özəlləşdirilib.
Dövlət Xidmətindən AZƏRTAC-a bildirilib ki, özəlləşdirilən kiçik dövlət müəssisəsi Gəncə şəhərində yerləşən iaşə obyektidir. Nəqliyyat vasitələri üzrə keçirilən hərrac rəqabətli olub. Belə ki, hərracda 5900 manat ilkin start qiyməti ilə təklif edilən “Chevrolet Niva” markalı avtomobil 6660 manata satılıb. Hərracda özəlləşdirilən dövlət əmlaklarının siyahısı ilə https://clck.ru/33ihWp linki vasitəsilə tanış olmaq mümkündür.
Səhmdar cəmiyyətlərin səhm paketi, kiçik dövlət müəssisəsi, yarımçıq tikili və nəqliyyat vasitələri üzrə növbəti hərraclar 4, 11 və 19 iyul tarixlərində keçiriləcək.
Bölmənin digər xəbərləri
