DSMF Malayziyada iki beynəlxalq ali mükafata layiq görülüb
Bakı, 28 fevral, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) Malayziyanın “International Professional Trade Exhibition & Meeting Planner” beynəlxalq qurumu tərəfindən keçirilmiş müsabiqədə “Dövlət sektorunda innovasiyalar üzrə mükafat” və “Beynəlxalq innovasiyalar üzrə mükafat” kateqoriyaları üzrə iki beynəlxalq ali mükafata layiq görülüb.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, mükafatlar Malayziyanın Kuala Lumpur şəhərindəki Dünya Ticarət Mərkəzində keçirilən “Malaysian Technology Expo 2025” beynəlxalq sərgisinin təltifetmə mərasimində təqdim edilib.
Sərgidə DSMF üçün xüsusi sərgi pavilyonu ayrılıb. Pavilyonda DSMF-nin fəaliyyəti və qazandığı uğurlar nümayiş etdirilib. DSMF-nin İdarə Heyəti sədrinin müavini Zəka Mirzəyev sərgi iştirakçılarına sosial sığorta və sosial təminat sahəsində son illər ölkəmizdə aparılan islahatlar və əldə olunan uğurlar barədə məlumat verib.
Sərgidə Azərbaycanla yanaşı, Malayziya, Xorvatiya, Misir, Çin, İndoneziya, İran və digər ölkələrin dövlət qurumları və özəl şirkətləri də iştirak edib.
Bununla 2021–2025-ci illər ərzində DSMF 58-ci beynəlxalq mükafatla təltif olunub.
Bölmənin digər xəbərləri
