Dünya bazarında smartfonların tədarükündə rekord qeydə alınmışdır
Bakı, 4 noyabr (AZƏRTAC). Çinin “Stategy Analytics” analitik şirkəti cari ilin üçüncü rübündə smartfonların qlobal tədarükünün yüksək həddə çatdığını açıqlamışdır. Bildirilmişdir ki, tarixdə ilk dəfə satılan smartfonların sayı 250 milyonu ötmüşdür. Bu da ötən ilki göstəricidən 45 faiz çoxdur.
“Samsung” dünya bazarına “Apple” ilə müqayisədə iki dəfə çox smartfon çıxarmışdır. Qabaqcıl “Galaxy S4” smartfon modelinin tədarükü gözlənildiyindən bir qədər zəif olsa da, yeni “Galaxy Note 3”, eləcə də “Galaxy Y” kimi smartfonlara davamlı tələbat Koreya istehsalçısına satış həcmini artırmağa imkan vermişdir.
Say vahidində “Samsung”un tədarükü il ərzində 55 faiz artaraq 88,4 milyon ədəd təşkil etmişdir. Bu da şirkətə bazarda 35 faizlik paya sahib çıxmağa imkan yaratmışdır.
Bölmənin digər xəbərləri
