DÜNYADA VƏHŞİ HEYVANLAR ARASINDA QUDUZLUQ XƏSTƏLİYİ ARTMIŞDIR
Bakı, 7 noyabr (AZƏRTAC). Kənd Təsərrüfatı Nazirliyi yanında Dövlət Baytarlıq Xidmətinin (DBX) sektor müdiri Kliment Əsədov bildirmişdir ki, Azərbaycanın işğal altında olan ərazilərindəki yanğınlarla əlaqədar vəhşi heyvanların ölkənin içərilərinə doğru miqrasiyası artmışdır. Bu səbəbdən ucqar kəndlər vaxtaşırı vəhşi heyvanların hücumuna məruz qalır. 15-20 il əvvəl quduzluq xəstəliyi əsasən itlər arasında baş verirdisə, indi qaramalda, qoyunda, at və ulaqda da quduzluq xəstəliyinə təsadüf edilir.
K.Əsədov vurğulamışdır ki, hazırda bütün dünyada vəhşi heyvanlar arasında quduzluq xəstəliyi artmışdır. 1990-cı illərin əvvəlləri ilə müqayisədə Rusiyada, Ukraynada və Belarusda 10-15 dəfə artım müşahidə olunmuşdur.
Diqqətə çatdırmışdır ki, respublikamızda hər il ev heyvanlarında quduzluq xəstəliyinə qarşı peyvənd aparılır.
Bölmənin digər xəbərləri
