Dünyanın iki nömrəli tennisçisi Novak Cokoviç Paris turnirinin qalibi olmuşdur
Bakı, 5 noyabr (AZƏRTAC). Dünyanın iki nömrəli tennisçisi Novak Cokoviç Paris turnirinin finalında David Ferreri 2:0 hesabı ilə məğlub etmişdir.
AZƏRTAC xəbər verir ki, bu onun mövsümdə 6-cı, karyerasında isə 40-cı titulu olmuşdur. Həmçinin qarşılaşma onun “Masters” turnirlərində 200-ci oyunu olmuşdur. İyirmi altı yaşlı serbiyalı tennisçi tarixində 40 və daha artıq turnirdə qalib olan 15-ci idmançı statusunu da qazanmışdır.
Bundan əlavə, N.Cokoviç ili 1-ci raketka kimi başa vurmaq şansını da qoruyub saxlamışdır.
Bölmənin digər xəbərləri
