Əczaçılıq məhsulları və gübrə idxalında artım olub
Bakı, 19 iyun, AZƏRTAC
Bu ilin yanvar-may aylarında 13,7 min ton əczaçılıq məhsulları idxal edilib.
AZƏRTAC Dövlət Gömrük Komitəsinə istinadla xəbər verir ki, idxal edilən əczaçılıq məhsullarının dəyəri 288,7 milyon dollar olub. Xatırladaq ki, 2022-ci ilin eyni dövründə dəyəri 263 milyon dollar olmaqla, 12,7 min ton əczaçılıq məhsulları idxal edilib.
Hesabat dövründə 35,9 min ton gübrə idxal olunub. İdxal edilən gübrənin dəyəri 30,8 milyon dollar olub. Ötən ilin ilk beş ayında isə məbləği 23,9 milyon dollar olmaqla, 30,3 min ton gübrə idxal edilib.
Bölmənin digər xəbərləri
