ƏDLİYYƏ NAZİRLİYİNİN KOLLEGIYA İCLASI KEÇİRİLMİŞDİR
Qeyd olunmuşdur ki, son vaxtlar nazirliyin mətbu nəşrlərinin keyfiyyəti xeyli yaxşılaşdırılmış, milli qanunvericiliyin elektron məlumat bazası hazırlanaraq açıq istifadəyə verilmiş (www.e-qanun.az
Ədliyyə orqanlarının işində aşkarlığın gücləndirilməsi məqsədi ilə hər il üzrə ayrıca hazırlanan “Ədliyyə fəaliyyəti mətbuat səhifələrində” adlı toplular, digər əyani və metodik vəsaitlər nəşr edilir.
Müntəzəm şəkildə mətbuat məlumatları hazırlanır və KİV-lərə çatdırılır, mətbuat konfransları keçirilir, nazirliyin kollegiya iclaslarına və digər tədbirlərə kütləvi informasiya vasitələri, yerli və xarici QHT nümayəndələri dəvət olunur, vakant vəzifələrə işə qəbul açıq müsabiqə yolu ilə ictimaiyyətin iştirakı ilə aparılır, regionlarda vətəndaşlarla görüşlər keçirilir, digər ünsiyyət formalarından geniş istifadə olunur.
Bu baxımdan, KİV-də keçirilən “ədliyyə həftəsi”nin xüsusi rolu vurğulanmışdır.
Həmçinin kollegiyada Azərbaycan Respublikası Prezidentinin İcra Aparatı və Avropa Şurasının təşkilatçılığı ilə iyunun 28-29-da ictimai informasiyanın şəffaflığı mövzusunda keçirilmiş seminarın faydası qeyd edilərək, bu sahədə nazirliyin təcrübəsinin müsbət qiymətləndirilməsi məmnunluqla bildirilmişdir.
Kollegiyada cari ilin birinci yarısında görülmüş işlər müzakirə olunaraq, nazirliyin yeni funksiya və səlahiyyətlərini əks etdirən yeni Əsasnaməyə uyğun ədliyyə orqanlarına işə qəbul, penitensiar müəssisələrə ictimai nəzarət üzrə və digər normativ sənədlərin hazırlanaraq qəbul edilməsi, məhkəmə sisteminin müasirləşdirilməsi ilə bağlı dövlət başçısının 2006-cı il 19 yanvar tarixli Fərmanının icrası ilə əlaqədar məhkəmələrdə monitorinqlərin keçirilməsi, hərtərəfli təhlillər aparılaraq, məhkəmələrin fəaliyyətinin təkmilləşdirilməsi üzrə tədbirlərin görülməsi, Dünya Bankı ilə birgə ədliyyə sektorunun müasirləşdirilməsi layihəsinin hazırlanması və digər tədbirlər barədə məlumatlar dinlənilmişdir.
Eyni zamanda, əmək və icra intizamının gücləndirilməsi zərurəti qeyd olunaraq, Azərbaycan Prezidenti İlham Əliyevin sədrliyi ilə iyunun 24-də keçirilmiş müşavirədə bununla bağlı ölkəmizin başçısının tapşırıqlarından Ədliyyə Nazirliyinin üzərinə düşən vəzifələr müzakirə edilmişdir.
Kollegiyada digər məsələ - vətəndaşlıq vəziyyəti aktlarının dövlət qeydiyyatı işinin təkmilləşdirilməsi üzrə tədbirlərlə bağlı qeyd olunmuşdur ki, bu sahədə bir çox işlər görülmüş, uzun illərdən bəri aparılan əlyazmalar əvəzinə məlumatların optik oxunaraq, elektron şəbəkə vasitəsilə ötürülməsinə imkan verən yeni formalar və müvafiq proqram təminatı tərtib olunmuşdur. Vətəndaşlıq vəziyyəti aktlarının dövlət qeydiyyatı orqanlarının əməkdaşlarına və 1400 yerli icra hakimiyyəti nümayəndələrinə təlimlər təşkil olunmuş, tədris prosesi üçün hazırlanmış xüsusi film kollegiyada nümayiş etdirilmişdir.
Eyni zamanda, kollegiyada 20 qeyri-hökumət təşkilatının dövlət qeydiyyatına alınması barədə qərar qəbul edilmişdir.
Bölmənin digər xəbərləri
