Efiopiya son illər defolt elan edən üçüncü Afrika ölkəsi oldu
Bakı, 27 dekabr, AZƏRTAC
Efiopiya 33 milyon dollarlıq beynəlxalq dövlət istiqrazlarını ödəyə bilmədiyi üçün defolt elan edib.
AZƏRTAC Reuters agentliyinə istinadla xəbər verir ki, Afrikada əhali sıxlığına görə ikinci yerdə qərarlaşan Efiopiya COVID-19 pandemiyası və 2022-ci ilin noyabrında başa çatan ikiillik vətəndaş müharibəsindən sonra ağır maliyyə sıxıntıları içindədir. Hökumət dekabrın əvvəlində rəsmi olaraq defolt elan etmək niyyətində olduğunu bildirib. Ölkə dekabrın 11-də bir milyard dollarlıq borcunu tam olaraq ödəməli olsa da, 14 günlük “güzəşt dövrü” dekabrın 26-da başa çatıb.
Qeyd edək ki, Efiopiya son illərdə kredit borcunun öhdəsindən gələ bilməyən üçüncü Afrika ölkəsidir. Əvvəllər inkişaf etməkdə olan digər ölkələr də oxşar problemlə üzləşib. Qana 2022-ci ildə, Zambiya isə 2020-ci ildə defolt elan edib.
Bölmənin digər xəbərləri
