Əfqanıstanda son on ayda avtomobil qəzalarında 1600 nəfər ölüb
Bakı, 22 fevral, AZƏRTAC
Əfqanıstanda son on ayda yol-nəqliyyat hadisələri nəticəsində 1600-dən çox insan həlak olub, 4 mindən çox insan isə xəsarət alıb.
AZƏRTAC TOLOnews telekanalına istinadla xəbər verir ki, Əfqanıstan yol polisi baş idarəsinin məlumatına görə, son on ayda ölkədə 3 mindən çox yol-nəqliyyat hadisəsi baş verib.
Avtomobil yollarının acınacaqlı vəziyyəti, sürücülərin yol hərəkəti qaydalarını pozması, təhlükəsizlik tədbirlərinin görülməməsi Əfqanıstanda tez-tez ölümlə nəticələnən qəzaların baş verməsinə səbəb olur.
Hazırda müvafiq qurumlar şəhərlərdə və magistral yollarda qəzaların sayını azaltmaq üçün səylərini artırırlar.
Bölmənin digər xəbərləri
