“Ekol Mühəndislik Xidmətləri” QSC Ə. Əmirov adına NQÇİ-də yeni layihənin icrasına başlamışdır
Bakı, 6 fevral (AZƏRTAC). Mədən ərazilərində mövcud ekoloji vəziyyətin yaxşılaşdırılması və neft hasilatının artırılması Ə.Əmirov adına NQÇİ-nin qarşısında prioritet bir vəzifə kimi qoyulmuşdur. Bununla əlaqədar olaraq, NQÇİ-nin 3-cü mədən ərazisində 25 quyunun ətrafına torpaq bəndlərinin vurulmasına başlanılmışdır. Bu layihənin icrası QSC-yə həvalə edilmişdir. Layihə üzrə təqribən 250 min kubmetrədək torpaq işlərinin görülməsi planlaşdırılır.
QSC-dən AZƏRTAC-a bildirmişlər ki, qurumun torpaqların rekultivasiyası departamenti yanvarın 23-dən layihənin icrasına başlamış və fevralın 1-dək quyuətrafı sahələrə 8 min kubmetrə qədər torpaq daşınaraq yayılmışdır. Lakin havaların sərt keçməsi ilə əlaqədar işlərin yerinə yetirilməsində müvəqqəti fasilələr yaranmışdır. Əlverişli hava şəraiti başlandığı gündən layihənin icrası davam etdiriləcəkdir.
Bölmənin digər xəbərləri
