Ekologiya və təbii sərvətlər naziri Ağcabədidə vətəndaşları qəbul etmişdir
Ağcabədi, 12 iyun (AZƏRTAC). İyunun 12-də ekologiya və təbii sərvətlər naziri Hüseynqulu Bağırov Ağcabədi şəhərindəki Qarabağ Muğam Mərkəzində Ağcabədi, Beyləqan, İmişli, Zərdab, Tərtər, Bərdə, Laçın və Xocavənd rayonlarının sakinlərini qəbul etmiş, onların şikayət və təkliflərini dinləmişdir.
AZƏRTAC xəbər verir ki, nazirliyin idarə və departamentlərinin, həmçinin tabeli qurumlarının rəhbərlərinin iştirak etdikləri qəbulda vətəndaşları narahat edən məsələlərin bir çoxu yerindəcə həll olunmuş, digər müraciətlər isə həll edilməsi üçün qeydiyyata alınmışdır.
Sakinlər göstərilən diqqət və qayğıya görə Azərbaycan Prezidenti İlham Əliyevə minnətdarlıqlarını bildirmişlər.
Bölmənin digər xəbərləri
