Ekologiya və Təbii Sərvətlər Nazirliyinin əməkdaşları qanvermə aksiyasında iştirak ediblər
Bakı, 30 aprel, AZƏRTAC
Aprelin 30-da Ekologiya və Təbii Sərvətlər Nazirliyində Səhiyyə Nazirliyinin B.Eyvazov adına Hematologiya və Transfuziologiya İnstitutunun və Azərbaycan Talassemiya Federasiyasının təşəbbüsü ilə könüllü qanvermə aksiyası keçirilib.
Nazirliyin mətbuat xidmətindən AZƏRTAC-a verilən məlumata əsasən, aksiyaya nazirliyin 400-ə yaxın əməkdaşı qoşulub.
Aksiyada B.Eyvazov adına Hematologiya və Transfuziologiya İnstitutunun Mərkəzi Qan Bankının xüsusi tibb briqadasının həkim hematoloqları tərəfindən donorların sağlamlıq vəziyyəti yoxlanıldıqdan sonra onlardan qan götürülüb.
Aksiya hemofiliya və talassemiyadan əziyyət çəkən insanların qanla təminatına yardım məqsədi daşıyır.
Bölmənin digər xəbərləri
