Ekologiya və Təbii Sərvətlər Nazirliyinin əməkdaşları reyd keçiriblər
Bakı, 1 oktyabr, AZƏRTAC
Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin əməkdaşları brakonyerliyə qarşı mübarizə məqsədilə növbəti reydlər keçiriblər.
Nazirliyin mətbuat xidmətindən AZƏRTAC-a verilən məlumata əsasən, reydlər zamanı Biləsuvar rayonunun Platina, Saatlı rayonunun Muğan ərazilərində, Uludüz və Ağzıbir Ovçuluq Təsərrüfatlarında icazəsiz ova cəhd edən Cəlilabad rayon sakinləri Səfər Əhədov, Çingiz Əliyev, Qətər vətəndaşı Mohammed Khalaf Kaabi, Şamaxı rayon sakini Şahin Məmmədov, Siyəzən rayon sakini Fərid Vəliyev və Sumqayıt şəhər sakini Emil Əliyev saxlanılıb. Onlardan 6 ov tüfəngi götürülüb.
Təqsirkarlar barəsində qanunauyğun tədbir görülüb və hər biri inzibati qaydada 1000 manat məbləğində cərimələnib.
Bölmənin digər xəbərləri
