Ekoloji tədbirlər Bərdədə uğurla icra olunur
Bərdə, 4 mart (AZƏRTAC). Bərdə rayonunda ekoloji tədbirlər uğurla icra olunur, geniş yaşıllaşdırma işləri aparılır.
AZƏRTAC xəbər verir ki, 2011-ci ildə şəhərin küçə və meydanlarına, avtomobil yollarının kənarlarına 801 mindən çox ağac və gül əkilmişdir. Salınmış yaşıllıqları suvarmaq üçün su şəbəkəsi yaradılmışdır. Yaşıllıqlara aqrotexniki qaydada xidmət göstərmək üçün ərazilər rayonun idarə, müəssisə və təşkilatları arasında bölüşdürülmüşdür.
Bundan əlavə, ötən il rayon ərazisində 110 hektar sahədə yeni meşələr salınmışdır. Kökləndirmək üçün 2 hektar sahədə müxtəlif növlərdən ibarət 100 min qələm basdırılmış, 1,3 hektar sahədə böyütmə sahəsi yaradılmış, 4,6 hektar sahədə tinglik səpilmişdir.
Bölmənin digər xəbərləri
