ELLEN CONSON-SERLİF LİBERİYA PREZİDENTİ KİMİ AND İÇMİŞDİR
Mətin iradəsinə və 30 illik siyasi karyerasına görə tərəfdarlarının “Dəmir ledi” adlandırdıqları Conson-Serlif Afrika tarixində ilk qadın prezident olmuşdur.
Liberiyada prezident seçkiləri iki il əvvəl başa çatan və qitədə 250 mindən çox adamın məhvinə səbəb olan ən dəhşətli vətəndaş müharibələrindən birinə son qoymuşdur.
Andiçmə mərasimində CAR, Seneqal, Niger, Qana və Syerra-Leonenin prezidentləri, bir çox digər ölkələrin nümayəndələri iştirak edirdilər. ABŞ nümayəndə heyətinə ölkənin “birinci ledisi” Lora Buş və dövlət katibi Kondoliza Rays daxil idilər.
Paytaxtda təhlükəsizliyi təmin etmək üçün BMT-nin sülhməramlı kontingentinin yüzlərlə nümayəndəsi cəlb olunmuşdu. Liberiyanın yeni Prezidentinin şəxsi mühafizəsini azı altı ay ərzində ABŞ-ın dəniz piyadaları bölməsi təmin edəcəkdir.
Bölmənin digər xəbərləri
