ELMDƏ VARİSLİK MƏSƏLƏLƏRİNƏ HƏSR EDİLMİŞ SİMPOZİUM KEÇİRİLƏCƏKDİR
MDB-yə daxil olan ölkələrin Elmlər Akademiyaları Beynəlxalq Assosiasiyasının Ukraynanın paytaxtı Kiyev şəhərində keçirilmiş iclasından yenicə qayıdan AMEA-nın elmi-təşkilat şöbəsinin rəisi Əminağa Sadıqov AZƏRTAC-a bildirmişdir ki, bu beynəlxalq qurum elmdə varislik məsələlərinə həsr edilmiş simpozium keçirmək barədə qərar qəbul etmişdir. YUNESKO-nun iştirakı və maliyyə dəstəyi ilə reallaşdırılacaq həmin tədbirdə bu Assosiasiyanın üzvü olan ölkələrdə, o cümlədən Azərbaycanda elmə gənc qüvvələrin, yeni istedadların cəlb olunması, mövcud potensialın inkişafı, alimlərin gənc nəslinin yetişdirilməsi məsələləri müzakirə ediləcəkdir. Ömrünü elmə həsr etmiş yaşlı alimlərin nəslini layiqincə əvəz edə biləcək gənc tədqiqatçıların hazırlanması məsələlərini müzakirə edəcək simpoziumun harada və nə vaxt keçiriləcəyi yaxın günlərdə müəyyənləşdiriləcəkdir.
Bölmənin digər xəbərləri
