ELM VƏ TƏHSİL
Elmi məqalələrin beynəlxalq indeksli jurnallarda nəşri qaydaları mövzusunda master-klas
Bakı, 7 mart, AZƏRTAC
Azərbaycan Dövlət İqtisad Universitetində (UNEC) “Elmi məqalələrin hazırlanması və beynəlxalq indeksli jurnallarda nəşri qaydaları” mövzusunda silsilə master-klaslar təşkil olunacaq.
UNEC-dən AZƏRTAC-a bildirilib ki, tədqiqat mərkəzlərinin işinin əlaqələndirilməsi və təşkili şöbəsinin təşkil etdiyi onlayn seminarlarda xaricdə fəaliyyət göstərən yüksək H-indeksə malik alimlər nüfuzlu elmi jurnallarda keyfiyyətli məqalələrin hazırlanması meyarları ilə bağlı təcrübələrini bölüşəcəklər.
Seminarda UNEC Kompozit Materiallar Elmi-Tədqiqat Mərkəzinin tədqiqatçıları- Türkiyənin Süleyman Dǝmirǝl Universitetinin İnşaat mühəndisliyi bölməsinin Mexanika kafedrasının müdiri professor Abdulla Avey, Polşanın Vistula Universitetinin tədqiqatçısı dosent Şəhriyar Muxtarov, İngiltərənin Portsmut Universitetinin İqtisadiyyat fakültəsinin dosenti Zəhra Murad mövzu ilə bağlı məlumat verəcəklər.
Master-klaslara “Zoom” platforması üzərindən https://zoom.us/j/93736727877 (kod:766610) linkinə keçid etməklə qoşulmaq mümkün olacaq.