Elmin Məmmədov: Azərbaycanda elektrik mühərrikli nəqliyyat vasitələrinin sayı 60 faiz artıb
Bakı, 23 oktyabr, AZƏRTAC
Hazırda ölkə üzrə quraşdırılmış enerji doldurma məntəqələrinin sayı 184 ədəd təşkil edir.
AZƏRTAC xəbər verir ki, bunu rəqəmsal inkişaf və nəqliyyat nazirinin müavini Elmin Məmmədov “Gələcək üçün dayanıqlı nəqliyyat” adlı tədbirdə çıxışı zamanı deyib.
Onun sözlərinə görə, enerji doldurma məntəqələrinin sayı artırılacaq.
“Bu infrastrukturun genişləndirilməsi ekoloji cəhətdən təmiz nəqliyyat vasitələrinin sayını artıracaq. Azərbaycanda elektrik mühərrikli nəqliyyat vasitələrinin sayı 60 faiz artıb”, - deyə nazir müavini əlavə edib.
Bölmənin digər xəbərləri
