ƏMƏKDAŞLAR TƏDRİS MƏRKƏZİNDƏ KURSLARA CƏLB OLUNURLAR
Respublika Baş Prokurorluğundan AZƏRTAC-a demişlər ki, ötən ilin mayında müasir standartlar səviyyəsində təmir olunmuş və bütün zəruri texniki vəsaitlər və avadanlıqla təchiz olunmuş Tədris Mərkəzində prokurorluq əməkdaşlarının nəzəri və peşə hazırlığını müasir tələblər və beynəlxalq standartlar səviyyəsində təşkil etmək üçün səmərəli və keyfiyyətli tədris kursları keçirilir. Bu, “Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında” Əsasnaməyə müvafiq olaraq, tam aşkarlıq şəraitində və şəffaf prosedurlar əsasında prokurorluqda qulluğa qəbul olunmuş və gələcəkdə kadr korpusunun özəyini təşkil edəcək stajorların müstəqil işə hazırlanmasında mühüm bir mərhələdir. Onların mərkəzdə 3 aylıq kurslara cəlb edilməsi prokurorluqda aparılan islahatların tərkib hissəsi və uğurlu nəticələrindəndir.
