Endi Börnham Leyboristlər Partiyasının yeni rəhbəri kimi ilk çıxışını edib
London, 17 iyul, AZƏRTAC
Böyük Britaniyanın hakim Leyboristlər Partiyasının yeni rəhbəri Endi Börnham ilk çıxışını edib.
AZƏRTAC xəbər verir ki, partiyanın rəhbərliyinə yeganə namizəd olan E.Börnham 379 nominasiya toplayaraq rəhbər seçilib. O, həmçinin partiya ilə əlaqəli 11 həmkarlar ittifaqının da daxil olduğu 23 təşkilatın dəstəyini qazanıb.
E.Börnham çıxışında partiyanın dəyişməli olduğunu bildirib və siyasətin adi insanların problemlərinin həllinə daha çox diqqət yetirməsinin vacibliyini vurğulayıb.
O, partiya daxilində birliyi gücləndirəcəyini, fərqli baxışlara hörmətlə yanaşacağını və ölkədə yeni siyasi yanaşma formalaşdırmağa çalışacağını deyib. Yeni rəhbər, həmçinin sosial qayğı, mənzil, enerji və nəqliyyat kimi sahələrdə islahatların zəruriliyini qeyd edib.
E.Börnham əlavə edib ki, İngiltərənin şimalı, cənubu, şərqi və qərbi, eləcə də Şotlandiya, Uels və Şimali İrlandiya üçün çalışacaq və ölkənin bütün regionlarının inkişafına eyni diqqəti ayıracaq.
Bölmənin digər xəbərləri
