“Erkən xilafət dövründə Azərbaycanda ictimai-siyasi və mədəni həyat” – yeni monoqrafiya
Bakı, 31 avqust, AZƏRTAC
AMEA-nın A.A.Bakıxanov adına Tarix İnstitutunun aparıcı elmi işçisi dosent Şahlar Şərifovun “Erkən xilafət dövründə Azərbaycanda ictimai-siyasi və mədəni həyat” adlı monoqrafiyası nəşr olunub.
İnstitutdan AZƏRTAC-a bildirilib ki, monoqrafiyada ərəbdilli, farsdilli mənbələrə, türkdilli, rusdilli, ingilisdilli ədəbiyyatlara müraciət edən müəllif, erkən xilafət dövründə Azərbaycanda baş verən önəmli hadisələri geniş şəkildə tədqiqata cəlb edib. Monoqrafiyada ərəb istilası ərəfəsində Azərbaycanda ictimai-siyasi vəziyyət, Sasanilərin farsdilli əhalini Azərbaycan ərazilərinə köçürməsi, erkən xilafət dövründə Azərbaycanda inzibati idarəçilik üsulu, torpaq və vergi siyasəti, İslamın maddi-mənəvi mədəniyyəti, islamiyyətin Azərbaycan ədəbiyyatına təsiri, Azərbaycan şəhərləri və onların inkişafı, ərəb qəbilələrinin Azərbaycan ərazilərində yerləşdirilməsi və s. mövzular haqqında ətraflı məlumat verilir.
Kitabdan tarixçilər, şərqşünaslar, Azərbaycan tarixinin ərəb xilafəti dövrü ilə maraqlanan elmi işçilər, tələbələr, həmçinin geniş oxucu auditoriyası faydalana bilər.
Bölmənin digər xəbərləri
