Erlinq Haaland UEFA-nın 2022/2023-cü illər mövsümünün ən yaxşı oyunçusu seçilib
Bakı, 31 avqust, AZƏRTAC
İngiltərənin "Mançester Siti" klubunun norveçli hücumçusu Erlinq Haaland Avropa Futbol Assosiasiyaları İttifaqı (UEFA) tərəfindən 2022/2023-cü illər mövsümünün ən yaxşı oyunçusu seçilib.
AZƏRTAC xəbər verir ki, mövsümün ən yaxşı oyunçusunun seçilməsi mərasimi Monakoda baş tutub.
Həmçinin, Erlinq Haalandın komanda yoldaşı, belçikalı yarımmüdafiəçi Kevin De Bruyne və ötən mövsümü Fransa PSJ-sində keçirən Amerikanın “İnter Mayami” klubunun argentinalı hücumçusu Lionel Messi də mükafata iddialı olublar.
Erlinq Haaland 2022/2023-cü illər mövsümündə “Mançester Siti” ilə birlikdə çempionluq və İngiltərə Kubokunu qazanıb, həmçinin Çempionlar Liqasının qalibi olub.
Bölmənin digər xəbərləri
