Erlinq Holann İtaliya ilə matçda tarixi nəticələrə imza atıb
Bakı, 17 noyabr, AZƏRTAC
Norveç millisinin hücumçusu Erlinq Holann ötən gecə dünya çempionatının seçmə mərhələsində İtaliyaya 4:1 hesabı ilə qalib gəldikləri matçda tarixi nəticələrə imza atıb.
AZƏRTAC xəbər verir ki, o, seçmə mərhələlərdə səfərdə İtaliyaya qarşı iki qol vuran ikinci oyunçu olub. Bundan əvvəl belə nəticəyə 2004-cü ildə Belarus seçməsinin futbolçusu Maksim Romaşenko nail olmuşdu.
Həmçinin, Holann Avropa yığmaları arasında komandası üçün 11 ardıcıl qarşılaşmada qol vuran ilk futbolçu adına sahib çıxıb. O, 1961–1962-ci illərdə malayziyalı Abdul Qani Minhat tərəfindən müəyyən edilmiş dünya rekordunu təkrarlayıb.
Qeyd edək ki, 8 oyunda 24 xal toplayan Norveç millisi 27 ildən sonra ilk dəfə mundialın final mərhələsinə vəsiqə qazanıb.
Bölmənin digər xəbərləri
