Ermənistan hərbçiləri Paşinyanın istefasını tələb ediblər
Bakı, 25 fevral, AZƏRTAC
Ermənistan hərbçiləri baş nazir Nikol Paşinyanın istefasını tələb ediblər.
AZƏRTAC Rusiya KİV-lərə istinadla xəbər verir ki, buna səbəb Ermənistan prezidenti Armen Sarkisyanın baş nazirin təklifi ilə Baş qərargah rəisinin birinci müavini Tiran Xaçatryanı vəzifədən azad etməsi olub. KİV-in məlumatına görə, o, hökumət başçısının “İskəndər” kompleksi barədə dediklərini məsxərəyə qoyub.
Baş qərargah rəisinin birinci müavininin vəzifədən çıxarılmasına qəti etiraz edən hərbçilərin bəyanatında bildirilib ki, ölkə üçün çox ağır vaxtda bu kimi qərarlar dövlət əleyhinə yönələn məsuliyyətsiz addımlardır. Paşinyan isə öz növbəsində baş verənləri çevriliş cəhdi adlandırıb və tərəfdarlarını meydanlara çıxmağa çağırıb.
KİV-də yayılan son məlumata görə, silahlı qüvvələrin istefa tələbindən sonra Paşinyan Baş qərargahın rəisi Onik Qasparyanı da vəzifəsindən azad edib.
Bölmənin digər xəbərləri
